VLERA E HIXHRETIT

         

Kaluan 1420 vjet prej kur Pejgamberi Muhammed alejhisselam së bashku me besimtarët u shpërngul prej Mekkes në Medine. Menjëherë pas kalimit të tij në Medine ai themeloi shtetin islam, gjë për të cilën mund të themi se ishte edhe si shkak kryesor për t'u marrë si datë fillestare për kalendarin islam.
Është interesant se shokët e Pejgamberit alejhisselam nuk e morrën si datë historike për fillimin e kalendarit musliman as lindjen e Pejgamberit, as ditën kur i erdhi shpallja por e zgjodhën ditën e shpërnguljes ngase njëkohësisht ajo ishte dita e fillimit të themelimit të shtetit musliman. Nga kjo mund edhe ta kuptojmë rëndësinë e formimit të shtetit në aspektin islam. 
Të nderuar lexues besimtarë,
Pas shpalljes së Muhammedit alejhisselam dhe pas pranimit të Islamit nga një grup besimtarësh mekkas, kjo kthesë historike u pritë me ashpërsi të paparë nga paria e Mekkës me ç' rast u ushtrua dhunë e madhe ndaj muslimanëve. Në mesin e atyre torturave mund t'i përmendim disa:
Shtrirja e Bilalit në rërën e nxehtë shkretirore duke vurë mbi barkun e tij një gurë të madh vetëm e vetëm që ta braktis besimin islam. Ata përpiqeshin që ta mohojë Zotin Një por ai pandërprerë thoshte: Një është, Një.
Pastaj masakra mbi familjen e Jasirit me ç'rast u morrën nga paria e Mekkes dy prindërit e tij, duke i mbytur mizorisht , njërit duke ia çarë gjoksin me shtizë kurse tjetrin e morrën dhe e lidhën mes dy kuajve duke iu kërcënuar se nëse nuk e lenë këtë fe të re do të dahet më dysh. Megjithatë ai pranoi ndarjen e trupit të tij dhe dëshmorësinë për hirë të All-llahut. Kështu Sumejje nëna e Jasirit u bë dëshmorja e parë prej grave në Islam.
Rastet janë të shumta por mendojë se këto dy që i prezentuam janë të mjaftueshme sa për ta pasqyruar dhunën në atë periudhë.
Kur e lexojmë jetëshkrimin e Pejgamberit alejhisselam dhe mundimet të cilat i kanë përjetuar besimtarët në krye me Muhammedin alejhisselam takohemi me realitetin e sotëm të cilin është duke e përjetuar populli ynë shqiptarë kosovarë të cilët po dëbohen në mënyrën më mizore nga vendlindja e tyre, pleq, gra e fëmijë, duke i ndarë prej baballarëve të tyre për të cilët nuk dihet asgjë për fatin e tyre pos për masakrime dhe vrasje masive sistematike. Po hymë në vitin 1420 duke dëshmuar tragjedinë më të madhe e cila po ushtrohet mbi popullin tonë. Por meqë All-llahu na lajmëron në Kur'anin famëlartë se "pas çdo mundimi vjen lehtësimi dhe çlirimi'' (Inshirah,6) lusim All-llahun që sa më shpejt ta fitojmë lirinë dhe pavarësinë kurse popullata të kthehet në shtëpit e veta duke e gëzuar lirinë e plotë.
Me gëzime u përcjelltë ky vit i ri.